Yeh mere blog ka pehla hindi post hai. Isse likhte huey mere hriday mein ullas ki bhavna jaag uthi hai. Hindi humaari rashtrabhasha hai aur agar ise padhte huey aapko kathinaayi mahsoos ho rahi hai, toh aap ek chutiyadas hain.

Is Blog pe ab tak kariban 120 post kiye jaa chuke hain. Aur 240 comments kiye jaa chuke hain. Pichle kuch dino se is blog pe kaafi tez raftaar se main post kar raha huu. Lekin, phir bhi dhanda manda hai. Mera life ka bhi kuch aisa hi haal hai.

Jab se apne ghar lauta huu, daaru ki bhaap tak nahi li hai. Manipal jaake poora kasar nikaalunga. Aur ek baat kehni thi, jise main ek alag post mein likhne wala tha, lekin ab jab baat zubaan pe aa gayi hai toh bol hi deta huu. Cigarette aur Sharab dono hi kharaab cheezein nahi hai. Na hi iska sevan karne waale log kharaab ya nakaar hai. Haan yeh baat zaroor hai ki yeh aapke sehat ko kharaab karti hai lekin, agar aadmi ko yeh inka swaad achcha lagta hai toh bejhijhak hoke inka sevan karna chahiye. Isse paap maankar avoid nahi karna chahiye. Agar avoid kare, toh sirf isi reason se ki aapko jyaada jyaada din is duniya me guzaarna hai.

Bas itna hi kehna tha. Ummeed hai ki aapko mera yeh post pasand aaya. Agar aaya toh main aage se Hindi mein bhi kabhi kabhi post karta rahunga.

Aapka apna,

Sameer

Advertisements